ភ្នំពេញ៖ ក្នុងវ័យ អាយុ៤៨ឆ្នាំ ជាមួយទម្ងន់ក្រោម៦០គីឡូក្រាម សម្តេចតេជោ ហ៊ុន សែន បានតាំងខ្លួនជាអ្នកក្លាហានឡើងជិះដំរើដោយមិនមានអ្នកណាដឹងថាសម្តេចនាយករដ្ឋមន្ត្រីខ្លាចដំរីនោះទេ។ នាយករដ្ឋមន្ត្រីកម្ពុជាបានទំលាយអាថ៌កំបាំងនេះជាមួយរូបភាពដែលសម្តេចតេជោបានជិះដំរីកាលពីថ្ងៃទី២៥ ខែមករា ឆ្នាំ ២០០០ ក្នុងពិធីសម្ពោធសួនចិញ្ចឹមសត្វភ្នំតាម៉ៅ បើទោះបីជាខាងពិធីការរបស់សម្តេចតេជោក៏មិនបានដឹងថាសម្តេចខ្លាចដំរីទេ ហើយពួកគាត់បានរៀបចំដំរីជូនសម្តេចជិះ។
នាយករដ្ឋមន្ត្រីកម្ពុជា បានបញ្ជាក់ថា "មួយជីវិតនេះជិះដំរីបានម្តងព្រោះខ្ញុំខ្លាចដំរី"។ សម្តេចតេជោបានបន្តទៀតថា កាលពីគ្រានោះសម្តេចមិនទាន់ចេះវាយកូនគោលនៅឡើងទេ ប៉ុន្តែចេះលេងបោះប៊ូលនិងលេងអុក៕ នេះជាការបង្ហោះសារបែបកំប្លែងរបស់សម្តេចតេជោ ហ៊ុន សែន ជូនជនរួមជាតិក្នុងថ្ងៃសុក្រចុងសប្តាហ៍៕
